Një zhvillim shumë i rëndësishëm, një moment historik në luftën kundër HIV-it, është lajmi se një pacient është shëruar. Një 50-vjeçar zviceran është bërë pacienti i gjashtë që është plotësisht i shëruar.about:blank
50-vjeçari, i cili është quajtur “Pacienti i Gjenevës”, ka qenë pa HIV që nga fillimi i një trajtimi në 2018. Testet e përsëritura pas trajtimit nuk gjetën HIV në gjakun e pacientit, duke nxitur mjekët të ndalojnë mjekimin e pacientit në nëntor 2021.
Mjekët preferojnë të presin pesë vjet nga ndalimi i ilaçeve për SIDA-n përpara se të deklarojnë zyrtarisht një pacient të shëruar.
Të gjashtë personat kishin HIV kur morën një transplant të palcës kockore, por ndryshe nga pesë rastet e tjera, dhuruesi i pacientit në Gjenevë nuk kishte një mutacion të rrallë gjenetik të quajtur CCR5 delta 32, i cili parandalon HIV-in të hyjë në sistemin imunitar të një personi dhe dihet se i bën qelizat rezistente ndaj HIV-it.
Burri kishte jetuar me HIV, një infeksion që synon qelizat e bardha të gjakut dhe sulmon sistemin imunitar të trupit, duke e bërë më të lehtë zhvillimin e sëmundjeve të rënda, që nga fillimi i viteve 1990 dhe filloi të merrte terapi antiretrovirale.about:blank
Ky trajtim HIV, i njohur si ART, përfshin marrjen e një kombinimi të barnave për HIV çdo ditë.about:blank
Trajtimi i “pacientit të Gjenevës”
Në vitin 2018, individi filloi kimio terapinë dhe bëri një transplant të palcës kockore për trajtimin e leuçemisë. Kjo procedurë fut qelizat staminale të shëndetshme të gjakut, të cilat janë qeliza njerëzore me aftësinë për t’u zhvilluar në lloje të ndryshme qelizash, në trupin e një personi për të zëvendësuar palcën që nuk prodhon mjaftueshëm qeliza të shëndetshme.about:blank
Ky transplant, i quajtur transplant i qelizave staminale, mund të bëhet te njerëzit që kanë lloje të caktuara të kancerit ose mungesë imuniteti. Procedura mbart rreziqe të shumta, duke përfshirë dëmtimin e organeve, infeksionet dhe infertilitetin.
Pas transplantimit të pacientit, u zbulua se qelizat e gjakut të tij ishin zëvendësuar plotësisht nga qelizat e dhuruesit dhe qelizat e infektuara me HIV u reduktuan ndjeshëm, tha Institut Pasteur.about:blank
“Ajo që më ndodhi është e mrekullueshme dhe magjike, tani mund të përqendrohemi në të ardhmen,” tha pacienti në një deklaratë të Institut Pasteur.
Pesë të tjerët që mposhtën HIV-in janë nga Kalifornia, Nju Jork, Berlini, Londra dhe Dusseldorf.
Ndërsa nuk ka një kurë universale për HIV-in, aktualisht ekzistojnë tetë barna të miratuara nga Administrata e Ushqimit dhe Barnave për përdorim. Sipas Organizatës Amerikane të Shëndetit, ilaçet përdoren në kombinim për të rritur fuqinë dhe për të zvogëluar shanset që virusi të bëhet rezistent ndaj agjentëve terapeutikë.
Sipas Organizatës Botërore të Shëndetësisë, 39 milionë njerëz jetonin me HIV në fund të vitit 2022 dhe 630,000 njerëz kishin vdekur nga sëmundja. HIV transmetohet përmes lëngjeve trupore të një personi të infektuar, duke përfshirë gjakun, qumështin e gjirit, spermën dhe lëngjet vaginale.
