Gazetarja greke Eleni Bouga ishte në transmetim live edhe në momentin kur avioni u ul të fikte flakët e më pas humbi orientimin dhe u rrëzua, raporton Protothema. Ndërsa raportonte mbi tragjedinë e ndodhur në Karysto të Greqisë ku humbën jetën 2 pilotë, gazetarja e ERT, ka shpërthyer në lot. Videoja tronditëse kap momentin kur Canadair “godet” një pemë me krahun e djathtë dhe bie në tokë.
“Ne ishim duke filmuar për të marrë plane, kur pamë që avioni humbi ekuilibrin dhe u rrëzua, duke shpërthyer më pas në flakë. Nuk po u besonim dot syve në ato momente”,- tha ajo.
