Zjarret në Greqi kanë marrë përmasa edhe më të mëdhaja, pasi raportohet se flakët kanë përfshirë magazinat e municioneve. Shpërthime të fuqishme janë dëgjuar në Volos, aty ku ndodhet edhe një magazinë municionesh në bazën ajrore të Nea Aghialo.
Mediat greke kanë publikuar edhe momentet e shpërthimit. Madje një nga gazetaret e ERT bërtet e tmerruar sapo dëgjon shpërthimin.
“Nuk e kam përjetuar as në luftë”, u shpreh gazetarja Elena Apostolidou.
Si pasojë e shpërthimeve janë thyer xhamat në shumë shtëpi, kryesisht në Nea Anchialos, ndërsa vala goditëse që ka mbërritur në Volos ka bërë që shumë banorë të largohen nga banesat e tyre.
