Policia e Fierit ka arrestuar një 33-vjeçare, e cila pas sherrit me bashkëshortin, e ka goditur këtë të fundit me thikë, duke e dëmtuar lehtë.
“U arrestua shtetasja E. M., 33 vjeçe, banuese në Fier, pasi ka dëmtuar lehtë, me mjet prerës, bashkëshortin e saj, shtetasin K. M., 36 vjeç”, njofton policia.
Ngjarja ka ndodhur gjatë mbrëmjes së djeshme.
Gjithashtu u ndalua R. T. 42 vjeç, banues në Lushnjë, pasi dyshohet se ka ushtruar dhunë ndaj babait të tij pas një grindje në shtëpi.
