Shtatë persona kanë mbetur të plagosur pas një përplasjeje mes dy automjeteve që ndodhi në rrugën Kakavia- Janinë, pak larg nga stacioni kufitar grek.
Siç raportojnë mediat greke, bëhet fjalë për tre të rritur dhe katër fëmijë të moshave 12 deri në 15 vjeç të cilët hipnin në dy mjetet. Me autoambulancat e EKAV-ut të gjithë u transportuan në spitalin “Hatzikosta” në Janinë. Policia rrugore po heton rrethanat e aksidentit.
