Kanada- Rast i paprecedentë në Kanada!
12 dosje të tjera iu dërguan prokurorëve sot nga policia kanadeze në rastin e shefit të kuzhinës, Kenneth Law, i cili akuzohet për shitjen e një substance që ndihmonte njerëzit të vrisnin veten përmes internetit dhe dërgonte pako në disa vende. Autoritetet besojnë se që nga fundi i vitit 2020, 57-vjeçari Law ka shitur përmes faqeve të ndryshme të internetit, këtë substancë të përdorur zakonisht në industrinë ushqimore. Më shumë se 1200 pako u dërguan në mbarë botën, 160 prej tyre në Kanada, por policia nuk e di nëse të gjitha përmbanin substancën toksike. Gjithashtu nuk është e qartë se sa nga marrësit kanë vdekur. Në Kanada, të gjitha viktimat jetonin në Ontario dhe ishin midis moshës 16-36 vjeç.
“Çdo rast përfshin një person që ka vdekur”, tha inspektori Simon James, i cili është përgjegjës për hetimin. Kenneth Law është akuzuar për gjithsej 14 vepra. Kur u arrestua në maj, ai u akuzua për “këshilla ose ndihmë për vetëvrasje” për dy persona në Kanada. Por hetimi po merr përmasa ndërkombëtare, pasi Britania njoftoi të premten e kaluar se po shqyrtonte vdekjen e 88 personave që blenë substancën nga faqet e internetit kanadeze. Sipas mediave britanike, hetime paralele po zhvillohen edhe në SHBA, Itali, Zelandën e Re dhe Australi.
Hetimi në Kanada filloi në fund të marsit, pas vdekjes së dyshimtë të një burri që konsumonte këtë substancë, e cila përdoret shpesh në përpunimin e mishit. Kjo substancë mund të zvogëlojë oksigjenimin, të shkaktojë vështirësi në frymëmarrje dhe të çojë në vdekje, shpjegoi polici
