TIRANË- E gjithë bota sot priti fenomenin e rrallë të ‘Hënës Blu’ e cila për herë të fundit u shfaq 14 vite më parë. Pamje mahnitëse janë fotografuar edhe nga Tirana. Shfletoni fotot më poshtë.
“Hëna blu” është quajtur kështu vetëm sepse ky fenomen nuk bën pjesë në skemën e zakonshme të Hënave. Nëse do ta shihni, Hëna këtë të mërkurë do të jetë më e madhe dhe më e shndritshme për shkak se ndodhet në pikën më të afërt me Tokën në orbitën e saj.
Superhënat, megjithëse nuk ndodhin çdo muaj, nuk janë aq të rralla. Ato mund të ndodhin diku nga dy deri në pesë herë në vit. Në fakt, pothuajse 25% e të gjitha hënave të plota janë superhëna, sipas NASA-s. E ashtuquajtura “Super Hëna Blu”, kombinimi i një Hëne Blu dhe një superhëne, ndodh më rrallë. Ndërsa është e mundur që të ketë dy Hëna Super Blu në një muaj, koha mesatare midis tyre është 10 vjet deri në 20 vjet, sipas NASA-s. Hëna e ardhshme Super Blu do të ndodhë në vitin 2037, kur dy do të ndodhin në të vërtetë relativisht afër njëra-tjetrës – një në janar dhe një tjetër në mars.
