Greqia është prekur rëndë nga përmbytjet, të cilat i kanë marrë jetën gjashtë personave, ndërsa pamjet mbeten të rënda.Viktimat e fundit janë dy gra, që u gjetën pa jetë në një fshat të Kardhitsës. Gjendja vijon të mbetet e vështirë dheshumë zona janë ende nën pushtetin e ujit.Shtëpitë në fshatin Horta në jug të Pilios janë nën pushtetin e ujit dhe me pjesë të rrëzuara. Reshjet e shiut të furishme dhe erërat e forta rritën në një kohë shumë të shkurtër nivelin e ujit.
Stuhitë e forta të shiut kanë shkaktuar rrëshqitje dheu dhe rrugët dytësore janë bllokuar ose shembur. Për disa orë është bllokuar edhe aksi kryesor që lidh Athinën me Selanikun pranë Lamias.
Fenomene ekstreme janë regjistruar edhe në zona të prefekturës së Ftiotidës, Peloponezit , Evias dhe Halkidhikisë.
