Të tjera pamje tronditëse kanë dalë nga tërmeti prej 6.8 ballësh në Marok, i cili deri më tani u ka marrë jetën më shumë se 1 mijë personave.
Në rrjetin social X po qarkullojnë pamje të shembjes së objekteve të ndryshme në vendin afrikan.
Autoritetet konfirmuan se Epiqendra e tërmetit ishte 71 kilometra në jugperëndim të Marrakeshit, me një thellësi 18.5 kilometra dhe lëkundjet u regjistruan në orën 11:11 të natës.
Numri i të plagosurve është tejet i lartë dhe spitalet në Marrakesh po përballen me një fluks të shtuar të pacientëve, teksa mjekët kanë bërë thirrje për dhurim gjaku.
Kujtojmë se interneti u ndërpre në këtë zonë turistike të vendit, ndërkohë që lëkundjet u ndjenë të forta edhe në kryeqytetin Rabat, por edhe në Casablanka.
