Nënkryetari i Listës Serbe, Milan Radoiçiç ka pranuar pjesëmarrjen në sulmin e grupit serb ndaj Policisë së Kosovës.
Ai u shpreh se më 24 shtator ndodhej në Banjskë “për të larguar terrorin ndaj popullit tonë”.
“Unë Milan Radoiçiç për arsye të spekulimeve të shumta që janë paraqitur lajmëroj se më 24 shtator kam qenë në Banjskë. Arsyeja pse unë kam qenë atje është që ta largojmë terrorin ndaj popullit tonë”, ka deklaruar ai përmes avokatit të tij.
Ndërsa shtoi: “Arsyeja e kthimit tonë ishte inkurajimi i serbëve, popullit të asaj zone, për t’i rezistuar terrorit të regjimit të Kurtit, duke mbrojtur njerëzit tanë, që çdo ditë i ekspozohen atiji terror.”
