Një vajzë 16 vjecare në Suedi akuzohet se ka joshur një taksist në një zonë të izoluar pyjore ku më pas e ka vrarë, si hakmarrje për përdhunimin që i kishte bërë kur ishte 14 vjeçe.about:blank
Ajo dhe katër vëllezërit e saj nga 16 deri në 18 vjeç kanë dalë në gjyq për vrasjen e taksistit 26-vjeçar.
Vëllezërit e vajzës mohojnë akuzat ndërsa vetë vajza pranon se ka joshur në vendin e izoluar për ta rrahuar burrin që e kishte përdhunuar dy vjet më parë.
Prokurorët e Uppsala thanë se motivi kryesor i vrasjes ishte hakmarrja pasi denoncimi përdhunimit në shkurt të vitit të kaluar nuk ishte ndjekur nga policia.
Vajza i kishte shkruar një mesazh taksistit, duke i kërkuar të vinte për të pirë diçka në një parking pranë parkut natyror Hjälstaviken në juglindje të Suedisë në mars.about:blank
Autoritetet nuk kanë emëruar viktimën por mediat vendase thonin se ishte me origjinë emigrante.
Por pasi dyshja ishin takuar, vëllezërit e saj akuzohen se e kanë mbytur me një litar që kishin marrë me vete, shkruan rrjeti vendas Fria Tider.about:blank
Pas zhdukjes trupi i taksistit ishte gjetur vetëm disa javë më vonë i fshehur në dëborë.
Policia tha se kishte gjetur gjurmë të të akuzuarve në makinën e viktimës dhe se kishin transferuar para nga llogaria e tij.about:blank
Vëllezërit e vajzës raportohet se i kishin thënë disa miqve se “do të vrisnin një përdhunues”, dhe më pas i njoftuan ata se ‘e kishin kryer’.
Andreas Pallinder, kreu i hetimit në Uppsala pranonte se policia duhet ta kishte marrë më seriozisht denoncimin e përdhunimit nga e reja.about:blank
Ebru Tok, avokati i familjarëve të viktimës tha se “familja është në dhimbje të madhe dhe e shokuar nga situata unike e ngjarjes dhe e akuzave”.