Po vidhnin një bagëti, e pësojnë keq 2 të rinjtë, ja çfarë ju gjetën

Në prangat e policisë kanë rënë dy të rinj nga fshati i Shalës në Konispol, pasi u kapën në flagrancë pasi po vidhnin një bagëti.about:blank

Sipas njoftimit të policisë, pas kontrollit në banesë, njërit prej të arrestuarve iu gjet një armë gjahu pa leje, disa fishekë dhe një kapuç.

Njoftimi i policisë Vlorë:

Vihen në pranga 3 shtetas, shpallet në kërkim 1 tjetër, për vepra të ndryshme penale.

Specialistët për Hetimin e Krimeve të Komisariatit të Policisë Sarandë arrestuan në flagrancë shtetasit M. L., 21 vjeç dhe A. I., 26 vjeç, të dy banues në fshatin Shalës, Konispol, pasi janë kapur në flagrancë duke vjedhur një bagëti në pronësi të shtetasit S. I.about:blank

Në vijim të veprimeve procedurale për rastin, u krye kontroll në banesën e shtetasit M. L., ku u gjetën dhe u sekuestruan në cilësinë e provës materiale, 1 armë gjahu, që posedohej pa leje, disa fishekë dhe një kapuç për maskim.

Vijon puna për zbardhjen e vjedhjeve të tjera që mund të kenë kryer këta shtetas.about:blank

Specialistët për Hetimin e Krimeve të Komisariatit të Policisë Vlorë arrestuan në flagrancë shtetasen P. T., 25 vjeçe, pasi ka ushtruar dhunë ndaj prindërve të saj dhe ka dëmtuar disa pajisje, në banesën e tyre.

Specialistët për Hetimin e Krimeve të Komisariatit të Policisë Delvinë referuan materialet në Prokurori dhe shpallën në kërkim shtetasin A. C., 59 vjeç, banues në Delvinë, pasi dyshohet se ka dëmtuar disa pemë ulliri, në pronësi të shtetasit F. Ll.. Vijon puna për kapjen e 59-vjeçarit.about:blank

Materialet procedurale i kaluan prokurorive përkatëse, për veprime të mëtejshme.