Drejtoria e Përgjithshme Detare ka reaguar ditën e sotme për motin e përkeqësuar në vend. Sipas njoftimit ndalohen mjetet e vogla të lundrimit të dalin në det. Drejtoria bën apel të ushtrohet kujdes për shkak se moti do vazhdojë të rëndohet.
Nga ana tjetër anijet e transportit ndërkombëtar detar do të vijojnë të operojnë drejt destinancioneve.
NJOFTIMI I DREJTORISË SË PëRGJITHSHME DETARE:
Njoftim për kushtet hidrometeorologjike të përkeqësura gjatë datave 25-26.11.2023. Në bazë të parashikimit për situatën hidrometeorologjike të përkeqësuar përgjatë bregdetit Shqiptar gjatë datave 25-26.11.2023 duke filluar nga ora 12:00 datë 25.11.2023 ne drejtimin Veri-Perëndim deri në forcën 6-7bft me shpejtësi ere deri 25m/s dhe lartësi dallge nga 1.50 deri 2.50 metra.
NJOFTOHEN DREJTUESIT E MJETEVE TE VOGLA LUNDRUESE DHE ANIJET E PESHKIMIT QË OPEROJNË PËRGJATË BREGDETIT SHQIPTAR TË KENË NË KONSIDERATË KUSHTET E PARASHIKUARA TË PËRKEQËSUARA DHE MARJEN E MASAVE PËR SIGURIMIN E TYRE ME QËLLIM PARANDALIMIN E SITUATAVE DHE INCIDENTEVE DETARE GJATË DATAVE 25-26.11.2023. Anijet e transportit ndërkombëtar detar do të vazhdojnë të operojnë normalisht sipas destinacioneve. Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 16:00 të datës 26.11.2023.
