Moti i keq me reshje të dendura vijon të krijojë probleme në veri të vendit.
Mësohet se reshjet e dendura që kanë rënë gjatë natës, kanë dëmtuar rrugën Selisht në bashkinë e Dibrës. Po ashtu, një tjetër rrugë është dëmtuar në fshatin Qafë-Murrë dhe si pasojë kanë ngelur të izoluar rreth 1000 banorë. Rruga është dëmtuar me një gjatësi rreth 30m, dhe është bërë e pakalueshme për lëvizjen e automjeteve. Banorët kanë njoftuar bashkinë, e cila pritet të ndërhyjë për hapjen e saj me fadromë.
Prej disa ditësh tashmë vendi ynë është përfshirë nga moti i keq, me reshje të dendura bore dhe shiu, që kanë krijuar probleme në qarkullimin e mjeteve. Gjithashtu, në disa zona ka pasur probleme edhe me furnizimin me energji elektrike.
