Një 37-vjeçar shqiptar që goditi me gotë në qafë pas një debati në kafene “Barbossa” në Antëerp të Belgjikës vitin e kaluar, rrezikon 7 vite burg. Sipas shqiptarit, ai thjesht donte të mbrohej dhe nuk e kuptoi që mbante një gotë të thyer. Ngjarja ndodhi përpara kafene “Barbossa”, në cepin e Sint-Jorispoort dhe Mechelseplein në Antëerp. Dy burra janë përplasur brenda, pas së cilës ka pasur një debat që përfundimisht është “zgjidhur” jashtë.
“Kur mbërritën shërbimet e urgjencës, një burrë kishte lëndime të rrezikshme për jetën në qafë”, tha prokurori të mërkurën. Sipas dëshmitarëve, një gotë ishte thyer dhe një person i panjohur ishte goditur me një copë xhami. Viktima, një burrë maroken rreth të tridhjetave, i cili tani është në burg për vepra të tjera, pësoi lëndime të rrezikshme për jetën, por u shërua shpejt. Ai përfundimisht nuk ishte në gjendje të punonte për tre javë.
