Hamasi njoftoi të martën se një nga udhëheqësit e tij të lartë është vrarë në një sulm në jug të kryeqytetit libanez Bejrut, duke rritur frikën për një përshkallëzim të mundshëm të luftimeve në rajon.
Media e Hamasit, Al Aqsa TV tha se Saleh Al-Arouri, nënkryetari i Byrosë Politike të Hamasit, “ra dëshmor në një sulm ajror tradhtar në Bejrut”.
Arouri konsiderohej një nga anëtarët themelues të krahut ushtarak të grupit, Brigadave Izz ad-Din al-Qassam, dhe ishte vendosur në Bejrut.
Dy liderë të tjerë nga krahu ushtarak i Hamasit, Samir Findi Abu Amer dhe Azzam Al-Aqraa Abu Ammar, ishin gjithashtu në mesin e të vrarëve në sulm, sipas zyrtarëve të Hamasit.
Të paktën katër persona u vranë në sulmin që synoi një zyrë që i përkiste Hamasit në periferinë jugore të Bejrutit, Dahieh, njoftoi agjencia libaneze e lajmeve NNA. Zona është gjithashtu një bastion i Hezbollahut të mbështetur nga Irani.
Forcat e Mbrojtjes të Izraelit (IDF) nuk pranoi të komentonte kur u pyet në lidhje me njoftimin.about:blank
Kryeministri libanez Najib Mikati dënoi sulmin dhe tha se “shpërthimi është një krim i ri izraelit” që synon të tërheqë Libanin në një fazë të re konfrontimi, duke iu referuar konfliktit mujor mes Hezbollahut dhe forcave izraelite në Liban.
Kush është Saleh Al-Arouri?about:blank
Udhëheqësi i shquar politik dhe ushtarak i Hamasit ka lindur në vitin 1966 në fshatin Aroura në rrethin Ramallah të Bregut Perëndimor. Ai vazhdoi të luajë një rol në themelimin e Brigadave Al-Qassam, krahu ushtarak i Hamasit në Bregun Perëndimor, dhe konsiderohet të jetë organizatori pas armatosjes së grupit.
Ai ishte anëtar i Hamasit që nga viti 1987 dhe konsiderohej lider i saj në Bregun Perëndimor, sipas Këshillit Evropian për Marrëdhëniet me Jashtë (ECFR). Ai ka qenë anëtar i Byrosë Politike të Hamasit që nga viti 2010 dhe u zgjodh nënkryetar i saj në vitin 2017.
