Policia e Vlorës ka arrestuar një 40-vjeçar pasi ka tentuar që të korruptojë efektivin e policisë kufitare në Portin e Vlorës mënyrë që të dilte jashtë vendit.ab
Shtetasi me iniciale L. P, banues në Lushnjë ka tentuar të korruptojë punonjësin e Policisë Kufitare, në PKK Port Vlorë, duke i ofruar 50 euro, që të dilte nga territori i Republikës së Shqipërisë, në kundërshtim me ligjin (me dokumentacion të parregullt).
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme, për veprën penale “Korrupsioni aktiv i personave që ushtrojnë funksione publike”.
