Siç kanë Gaforren që i përfaqëson, të lindurit në këtë shenjë kanë tendencë të jenë dominues në lidhje, ta posedojnë e ta tregojnë atë që kanë. Gaforret mund të hiqen zvarrë për ta ruajtur veten nëse ndihen të kërcënuar, pasi janë ndër shenjat më të ndjeshme e më emocionale të Zodiakut. Kanë natyrë ironike, pa humor, ndaj edhe shpesh janë indirekt në atë që thonë. Gaforret janë njerëz që nuk duan të ekspozohen shumë, sepse preferojnë të qëndrojnë në mjedisin e tyre.
Megjithatë, Gaforrja është edhe ndër shenjat më të dashura të Zodiakut. Të lindurit e kësaj shenje janë njerëz me zemër të madhe e shumë të përkushtuar ndaj familjes dhe të dashurve të tyre. Bëjnë të pamundurën për të mbrojtur njerëzit që duan, sepse ata janë edhe ndjeshmëria e tyre më e madhe. Ky tipar i bën të lindurit e Gaforres shumë familjarë dhe prindër idealë. Kur bëhet fjalë për pajtueshmëri në romancë, Gaforrja shkon me shumë shenja, kryesisht të Ujit, por edhe me shenjat e Tokës, me të cilat ndajnë ndjeshmërinë natyrore.
Raportet më të mira
Demi: Demi dhe Gaforrja kanë të dy njëlloj nevojë për ndjeshmëri, për siguri dhe për një lloj qëndrueshmërie sa u përket aspekteve kryesore të jetës. Dallimet e tyre janë në të vërtetë të dobishme, sepse secili prej individëve ka natyrë të fortë dhe përpiqet të tregojnë dobësitë e tjetrit. Të dyja shenjat janë të ndjeshme dhe të vëmendshme ndaj të dashurve e tyre, duke krijuar kështu një lidhje të fortë astrologjike që ka gjasa t’i rezistojë kohës.
Akrepi: Akrepi mund të jetë dominues në dashuri me shumë shenja të Zodiakut, por ky nuk është rasti i Gaforres. Tendenca e Akrepit për të dominuar Gaforren e ndihmon Akrepin të fitojë siguri në këtë raport. Nga ana tjetër, pasioni i Akrepit ndihmon të inkurajojë Gaforren pak të ndrojtur në intimitet dhe të vështirë për të dalë nga guaska e saj. Të dyja shenjat kanë personalitet të lindur, janë të sigurta dhe të dashura. Mes tyre është një lidhje shumë harmonike.
Virgjëresha: Një nga gjërat më të mira në lidhje me këtë raport është aftësia që kanë për t’u kujdesur për partnerin. Si Virgjëresha, ashtu edhe Gaforrja, janë shenja që kënaqen shumë duke u kujdesur për të dashurit e tyre. Është një kombinim shumë i mirë dhe që premton kohëzgjatje. Është një raport që ka shumë komunikim, pavarësisht faktit që Virgjëresha flet nga këndvështrimi praktik, ndërsa Gaforrja është më emocionale.../jetoilumtu.al/
