Pasditen e sotme në aksin Korçë – Pogradec, pranë kryqëzimit të fshatit Libonik, Maliq një shtetas duke drejtuar një automjet tip “Audi”, dyshohet se ka humbur kontrollin dhe ka dalë nga rruga. Si pasojë e këtij aksidenti kanë mbetur të lënduar 3 persona, të tre pasagjerë.
Njoftimi i policisë:
Maliq/Informacion paraprak
Më datë 13.09.2023, rreth orës 16:05, në aksin rrugor “Korçë-Pogradec”, pranë kryqëzimit të fshatit Libonik, Maliq, një shtetas duke drejtuar automjetin tip “Audi”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë janë dëmtuar shtetasit, 46 vjeç, 23 vjeç dhe, 17 vjeç, banues në Pogradec, pasagjerë në këtë automjet, të cilët u dërguan për mjekim në spitalin e Korçës.
Me drejtuesin e automjetit po kryhen veprimet e mëtejshme procedurale.
Grupi hetimor po punon për zbardhjen e rrethanave të aksidentit.
