Aktorja e famshme e “Mission Impossible” humb shikimin

Ikona e serisë së filmave “Mission Impossible”, Judi Dench ka humbur shikimin duke i dhënë fund karrierës së gjatë në kinematografi.

Fituesja e çmimit Oscar u pyet nga një gazetar në shfaqjen e luleve të Chelsea në Londër nëse ajo kishte ndonjë projekt të ardhshëm.

Dench, 89 vjeçe, u përgjigj: “Jo, jo. As nuk shoh më!”, citon noa.al një raport të Deadline.

Aktorja e Belfast-it ka degjenerim makular në sy, i cili mund të shkaktojë humbje të përhershme dhe të shpejtë të shikimit qendror, sipas klinikës Mayo.

Ky është shkaku nr. 1 i humbjes së shikimit tek njerëzit mbi 50 vjeç.

Judi Dench në Londër, 20 maj 2024. PHOTO: KARWAI TANG/WIREIMAGE

Ajo zbuloi se ishte diagnostikuar me degjenerim makular në vitin 2012, pasi kishte spekulime për shikimin e saj.

Dench ka folur për tërheqjen pas më shumë se 65 vitesh si aktore e skenës dhe ekranit, duke e bërë debutimin e saj në vitin 1957. Paraqitja e saj e fundit në film ishte në komedinë e Krishtlindjeve 2022, Spirited.

Gjatë një eventi të vitit 2021 për Fondacionin Vision me bazë në Londër, ajo shpjegoi se si po përballej me përkeqësimin e shikimit kur bëhej fjalë për leximin e skenarëve.

“Njeriu gjen një mënyrë për t’i kaluar dhe për të kapërcyer gjërat që i duken shumë të vështira,” pranoi Dench. “Më është dashur të gjej një mënyrë tjetër për të mësuar skenarët, gjë që është që miqtë e mi të mëdhenj t’i përsërisin ato pa pushim derisa t’i mësoja.”

Ajo shtoi: “Më parë e kisha shumë të lehtë të mësoja rreshtat dhe t’i kujtoja ato. Unë mund të interpretoj të gjithë Natën e Dymbëdhjetë pikërisht tani.”

Ndërsa se nuk kishte asnjë film në proces, Dench shkroi librin e kujtimeve Shakespeare: The Man Who Pays The Rent, i cili doli në raftet e librarive muajin e kaluar. /noa.al