24 orë pas sulmit të djeshëm me thikë nga një i ri islamik në një shkollë në qytetin Arras, Pallati i Versajës si dhe muzeu i famshëm i Luvrit morën një kërcënim me bombë dhe autoritetet franceze menjëherë morën masa.
Bëhet me dije se evakuimi i mijëra vizitorëve që ndodheshin në atë kohë brenda godinave ishte i menjëhershëm.
“Louvri ka marrë një mesazh kërcënues dhe ne kemi zgjedhur ta evakuojmë dhe ta mbyllim atë për ditën kur kryejmë kontrollet e nevojshme,” tha një zëdhënës pasi njoftoi se monumenti historik parizian po vendos një “bllokim” sot përmes platformës X.