Mbrëmjen e sotme si shkak i situatës së rëndë nga stuhia “Ciarian” e cila ka mbëritur edhe në Shqipëri, raportohet se një incident në orët e mbrëmjes në Korçë.about:blank
Një 35-vjeçar ka mbetur i plagosur pasi ka rënë suvaja e një pallati.
Policia bën me dije se i lënduari, shtetasi me iniciale L.T., është dërguar për ndihmë mjekësore.
Njoftimi i policisë:
Korçë/Informacion paraprak
Mbrëmjen e sotme, në Pedonalen e qytetit të Korçës, është shkëputur një pjesë suvaje, nga fasada e një pallati dhe ka rënë mbi tendën e një lokali. Për pasojë është lënduar lehtë në shpatull shtetasi L. T., 35 vjeç, banues në Korçë, i cili u dërgua për ndihmë mjekësore në spitalin e Korçës.
Grupi hetimor po punon për sqarimin e rrethanave të ngjarjes.
