Në një gjest plot ndjenjë dhe simbolikë, ajo ka vendosur të gdhendë në lëkurë emrin e tij, duke e kthyer lidhjen e tyre në një kujtim të përjetshëm.
Tatuazhi, i realizuar në kraharorin e saj, u publikua përmes një imazhi të ndarë në rrjetet sociale, ku Ana shihet duke mbajtur krenare tatuazhin dedikuar Kevinit.
Por ajo që rrëmbeu po ashtu vëmendjen e ndjekësve ishte përshkrimi emocional që e shoqëronte foton:
“E shënova emrin e tij në lëkurë, pasi ai tashmë është në zemrën time”.
Ky mesazh i thjeshtë por i ngarkuar me dashuri, shpreh thellësinë e lidhjes që Ana ndien për partnerin e saj.
Ana dhe Kevini u njohën gjatë qëndrimit të tyre në shtëpinë më të famshme në Kosovë – Big Brother VIP Kosova. Që nga dita e parë, kimia mes tyre ishte evidente, dhe me kalimin e kohës, ndjenjat u shndërruan në një romancë të sinqertë, e cila mbijetoi edhe pas daljes nga spektakli.
Pavarësisht sfidave dhe momenteve të vështira që çifti ka kaluar, ata vazhdojnë të qëndrojnë bashkë, duke ndërtuar një marrëdhënie që është forcuar dita-ditës.
