Një aksident me pasojë vdekjen e një të riu ka ndodhur mesditën e sotme në Unazën e Madhe në Tiranë, në afërsi të Liqenit Artificial.
Mësohet se si pasojë e aksidentit ka humbur jetën Arjan Shahaj, student i Akademisë së Sigurisë. Policia njofton se makina me drejtues Arjan Shahajn është përplasur me makinën me drejtues shtetasin Y. R.
Si pasojë e aksidentit, ka humbur jetën në vendngjarje, studenti i Akademisë së Sigurisë. Ndërkaq Y.R, i cili ndodhej në makinën tjetër është dërguar në spital, por fatmirësisht është jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
‘Më datë 08.11.2023, në afërsi të liqenit artificial, automjeti me drejtues shtetasin A. Sh. dyshohet se është përplasur me automjetin me drejtues shtetasin Y. R. Si pasojë e aksidentit, ka humbur jetën në vendngjarje, shtetasi A. Sh. (student në Akademinë e Sigurisë). Grupi hetimor ndodhet në vendngjarje dhe po punon për sqarimin e rrethanave të aksidentit.’- njofton policia.
