“Të kemi të qartë që kjo është një rrugë pa kthim. S’mund te lejojmë që mazhoranca të na nëpërkëmbë dhe të na poshtërojë. Kjo do të marrë fund”.about:blank
Me këtë urdhër nga Gazment Bardhi dhe fjalën e Sali Berishës se “nuk ka më paqe”, deputetët e PD-së shkuan për t’u futur me forcë në sallën ku ishte planifikuar të zhvillohej mbledhja e Konferencës së Kryetarëve që do të raportonte ministri Ervin Mete për buxhetin e vitit 2024.
Deputetët e PD-së u futën me forcë duke u shtyrë dhe përplasur me Gardën. Por Lindita Nikolla e zhvendosi mbledhjen në një tjetër sallë, ku opozitarët nuk u lejuan që të futen brenda duke e vazhduar raportimin e ministrit pa praninë e tyre.
