Edukatorja e kopshtit “Stinët”, Mjalinda Dehimna, insiston se 3-vjeçarja e ka dëmtura vetë këmbën në hapësirat e krevatit dhe se ajo nuk e ka prekur. Majlinda Dehima u arrestua ditën e djeshme, 9 Nëntor, pas kërkesës së Prokurorisë për masën “arrest me burg” për veprën penale “keqtrajtim i të miturit”.
Edukatorja akuzohet se dhunoi 3-vjeçaren në kopshtin privat, duke i thyer asaj këmbën. Pavarësisht publikimit të pamjeve, edukatorja i ka qendruar sërish deklaratës të bërë pak ditë më parë, ku shprehet se vazja e ka dëmtuar vetë këmbën.
“Si çdo ditë e hap kopshtin rreth orës 07:00, ndërsa fëmija i mitur ka ardhur në orën 09:03 minuta. Fëmija ka vazhduar aktivitetin e shkëputur nga grupi pasi ajo nuk ka dëshirë të rrijë në grup. Pasi ka ngrënë drekën e kam dërguar në dhomën e gjumit. Gjatë kohës që është shtrirë për gjumë ka kërcyer në krevat dhe ka përplasur këmbët në ndarjen e krevateve. Rreth orës 15.00 shkova ta zgjoja nga gjumi, këmba i ishte ënjtur” mësohet se ka deklaruar edukatorja.
Në lidhje me rastin po hetohen edhe pronarët Dritan e Entela Danushi pasi kopshti ishte i paregjistruar. Emisioni investigativ “Stop” publikoi tre ditë më parë pamjet e tmerrshme ku 3-vjeçarja shihej teksa dhunohej në kopshtin privat në Tiranë “Stinët” nga edukatorja. Edukatorja Majlinda Dehima shfaqej teksa dhunonte të miturën derisa e vogla përfundoi me këmbë të thyer në Spitalin e Traumës.about:blank
Lidhur me këtë ngjarje reagoi edhe Ministria e Arsimit të cilët pas verifikimeve të bëra rezultoi se kopshti “Stinët” ishte i palicensuar. Si rjedhojë u bë i mundur edhe mbyllja e këtij kopshti ku dhe ndodhi ngjarja.
Një ditë pas publikimit të skandalit, një tjetër video u publikua nga emisioni investigativ “STOP”. Nga pamjet e kapura nga kamerat e sigurisë në dhomën e fjetjes së kopshtit u pa qartë sesi vajza dhunohet nga edukatorja deri në thyerjen e këmbës. Në materialin filmik dëgjohet zhurma e thyerjes, qarja e vajzës dhe të sharat e edukatores ndaj të miturës, ku nuk kursehet aspak, deri në përdorimin e fjalëve si “sharabajgë”. Për rastin po hetohen edhe pronarët Dritan e Entela Danushi pasi kopshti ishte i paregjistruar.
