E afërmja e Hamish Harding, një nga 5 personat që bënte pjesë në nëndetësen ‘Titan’ të zhdukur prej 18 qershorit tashmë të shkatërruar, ka bërë thirrje për një hetim të plotë për shpërthimin e mjetit lundrues Titan.
Në një intervistë për BBC, ajo kërkoi që hetimi të zbulonte se çfarë kontrollesh të sigurisë ishin kryer përpara tragjedisë.
“Duhet të hetohet plotësisht, për të parë se çfarë shkoi keq, pse ndodhi, pse ata nuk mbijetuan. Harding do të kishte ditëlindjen nesër. Ai do të ishte 59 vjeç. Do t’i kisha dërguar një mesazh ose do të përpiqesha ta telefonoja për t’i uruar ditëlindjen. Kur lexova se kishin dëgjuar zhurma përplasjeje, ndihesha me shpresë se ndoshta po vinte nga zhytësi. Por dje ishte më e keqja kur dëgjova se ai nuk ia doli, se të gjithë vdiqën” tha Cosnett.
Nëndetësja shpërtheu nga trysnia e ujit, duke bërë kështu që fundi të ishte tragjik për 5 pasagjerët, të cilët dëshironin të shihnin nga afër rrënojat e Titanikut.
Kujtojmë se, brenda nëndetëses ishin eksploruesi britanik, Hamish Harding, eksperti francez i nëndetëseve, Paul-Henri Nargeolet, biznesmeni pakistanezo-britanik, Shahzada Dawood dhe djali i tij, Suleman, dhe drejtori ekzekutiv i kompanisë OceanGate që ofron ekspeditën me
