Zëdhënësi i Hamasit, Brigadat Al-Qassam, ka thënë se grupi ka liruar dy robër amerikanë për arsye humanitare.
“Në përgjigje të përpjekjeve të Katarit, Brigadat Al-Qassam liruan dy shtetas amerikanë (një nënë dhe vajzën e saj) për arsye humanitare”, tha Abu Obaida në një deklaratë.
Ai shtoi se masa kishte për qëllim “t’i dëshmonte popullit amerikan dhe botës se pretendimet e bëra nga Biden dhe administrata e tij fashiste janë të rreme dhe të pabaza”.
Zhvillimet kryesore deri me tani
§ Mijëra njerëz në vendet me shumicë myslimane dhe më gjerë mbajtën demonstrata në solidaritet me palestinezët në Rripin e Gazës, duke bërë thirrje për t’i dhënë fund “bllokadës totale” të Izraelit dhe sulmeve ajrore.about:blank
§ Numri i të vdekurve në Gaza arrin në 4,000 ndërsa banorët po durojnë një natë tjetër bombardimesh të pamëshirshme mes pasigurisë për hyrjen e ndihmave nga Egjipti.
§ Disa njerëz u vranë në sulmin ajror izraelit në kompleksin e kishës ortodokse greke të Shën Porfirit , thonë zyrtarët në Gaza.
§ Ministri i mbrojtjes i Izraelit u thotë trupave se së shpejti do ta shohin Gazën “nga brenda”.
§ Të paktën 4,137 palestinezë janë vrarë në sulmet izraelite në Gaza që nga sulmi i Hamasit më 7 tetor brenda Izraelit, i cili vrau më shumë se 1,400 njerëz.
