Një varkë me emigrantë të pakicës Rohingya nga Mianmari është përmbysur në Gjirin e Bengalit, duke lënë të paktën 17 persona të vdekur dhe rreth 30 të zhdukur. Rreth 55 persona ishin në varkë kur u largua nga qyteti Buthidaung në shtetin perëndimor të Rakhine fundjavën e kaluar.
Varka ishte nisur për në Malajzi dhe koha e saktë dhe shkaku i përmbysjes nuk dihen. Byar La tha se 17 trupa, përfshirë 10 gra, u gjetën përgjatë bregut në Sittwe, rreth 335 kilometra (210 milje) në perëndim të kryeqytetit kombëtar, Naypyitaw, midis të hënës dhe të mërkurës.
Tetë të mbijetuarit u morën nga forcat e sigurisë së Mianmarit. Anëtarët e ekipeve të shpëtimit dhe autoritetet po vazhdonin kërkimin për personat e zhdukur, shkruajnë mediat e huaja.
Prokurori i Përgjithshëm i shtetit Rakhine, Hla Thein tha se kufomat ishin gjetur në breg që nga e hëna, por numri i saktë dhe detajet e tjera nuk dihen ende.
