I ftuar në emisionin “Ndryshe” me Salsano Rrapi dhe Elona Duro në Top Albania Radio ka qenë i ftuar G Bani. Pas rifutjes për herë të dytë në BBV, ai më 4 Mars u largua nga shtëpia, duke lënë përfundimisht “Big Brother Vip”.
Në nisje të spektaklit, moderatori Ledion Liço hyri në shtëpi, duke i komunikuar banorit se babai i tij ndodhet në spital në Londër për kurim. Familjarët kanë theksuar se babai i banorit ndodhet në gjendje të stabilizuar. Për këtë pjesë, ai është shprehur ashtu si në rrjetet e tij sociale, se e ka takuar dhe është më mirë. Ndryshe nga herët e tjera, G Bani ka vendosur të flasë më hapur mendimet e tij në publik, ndaj në këtë intervistë, ai diskutoi edhe me Zhaklinën dhe Bledin në lidhje me ngjarjet e fundit të ndodhura gjatë orëve të fundit.
Një nga këto ngjarje është padiskutim rifutja e Eglit në shtëpi. Në lidhje me marrëdhënien e saj me Gjestin, G Bani u shpreh:
Është e shkolluar, është e artikuluar, i ka të gjitha të mirat. Me Eglin e vetmja gjë është që ta merr informacionin, si çdo lojtar tjetër, ta kthen kundër, të përflet, e të gjitha këto gjërat dhe për Gjestin ndryshoi komplet 360 gradë drejtim. Se ishte parimore, e drejtë, e barabartë, pastaj kur erdhi Gjesti dhe i tha ‘hajde t’i godasim me çfarë të kemi mundësi në moral, në gjumë’, Egli ndryshoi. Kjo është e gjitha mbi Eglin.
I pyetur nga Bledi Mane se përse ka këtë pasion për të folur për Eglin, ndryshe nga herë të tjera, G Bani u përgjigj:
Jo, nuk e kam për Eglin. Nuk po flas për Eglin. Absolutisht, thjesht unë e di që Egli është në dashuri. Atë të shëndetit mendor e ka rrenë. Është avokatja e djallit. Fiks, jo tani se po ndryshon, por me Gjestin ishte avokatja e djallit.
