Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Shpesh mund të mendoni me vete se si mund të ndryshonte marrëdhënia me partnerin tuaj nëse do të dinit se çfarë vërtet pëlqen ai.
“Bright Side” liston tetë gjëra që dashuria e jetës suaj do të dëshironte që ju t’i dinit.
Jeni gjithmonë në zemrën e tyre
Fjalët “Të dua” nuk mund të shprehin ndjenjat e tyre të thella. Megjithëse mesazhi që ata dërgojnë mund të jetë qetësues, emocioni, malli dhe pasioni me të cilin kjo shprehje thuhet, shkon shumë më larg se fjalët.
Ndjenjat mund të jenë mbizotëruese, të pazbërthyeshme, ndryshuese dhe konfuze.
Ato mund të jenë të shumë llojeve: pozitive dhe negative, por njëra është gjithmonë në zemrën e partnerit tuaj… po, është dashuria dërrmuese për ju, forca lëvizëse që e mban atë pranë jush kur jeni të lumtur ose të trishtuar, kur ju jeni i shëndetshëm ose i sëmurë, kur jeni të gëzuar ose të hidhëruar.
Dhe kur rolet ndryshojnë dhe partneri është ai që është i trishtuar ose i sëmurë, ju jeni akoma atje në zemrën e tij, vendi më i mirë ku mund të ishit ndonjëherë.
Dhe po, partneri dëshiron që ju ta dini këtë edhe kur debatoni dhe jeni të zemëruar me njëri-tjetrin. Argumentet dhe grindjet ndodhin vetëm sepse të dy ju kujdeseni. Nëse askujt nuk do i interesonte, askush nuk do të luftonte kurrë.
Ata duan të vijnë të parët
Jeta vjen me një listë të plotë me gjëra për të bërë. Ju duhet të gjeni kohë për shumë njerëz: fëmijët, nënën, babanë, vëllezërit e motrat, si dhe për miqtë. Ju duhet ta menaxhoni si duhet këtë kohë, vëmendje, kujdes dhe shqetësime midis njerëzve që kanë rëndësi për ju, vetes, punës, detyrave të përditshme etj.
Partneri nuk dëshiron thjesht të shkrihet në rutinën tuaj të përditshme. Ai është gjysma tjetër për ju dhe dëshiron ta shohë këtë. Megjithëse personi tjetër i kupton dhe respekton plotësisht zgjedhjet tuaja, ai / ajo në të vërtetë do të dëshironte të ishte personi më i rëndësishëm në jetën tuaj, edhe nëse kurrë nuk e thonë këtë.
Jeni numër një për ta
Ju jeni personi i parë për të cilin dashuria e jetës mendon kur ka nevojë për ndihmë, ai që dëshiron ta bëjë të lumtur, ai tek i cili vrapon së pari, për të festuar suksesin, ai që gjithmonë mund të vendosë një buzëqeshje në fytyrë, ai që zgjodhi të ndajë jetën e tij me gjysmën më të mirë.
Të duash do të thotë të duash mënyrën se si dukesh dhe pothuajse gjithçka që bën. Po, të gjithë kanë problemet e tyre, por në sytë e partnerit tuaj, ju jeni perfekt me të gjitha papërsosmëritë tuaja… dhe kjo është arsyeja pse ai ju do dhe ju vendos gjithnjë në vend të parë. Ju jeni kampion i zemrës së tij.
I bëni ata të ndihen të plotësuar
Jeta e partnerit nuk ishte aq e këndshme kur ju nuk ishit pjesë e saj. Ju sollët më shumë gëzim, eksitim, lumturi dhe, mbi të gjitha, e bëtë të ndihej i plotë. Ju të dy jeni një ekip dhe nuk mund të jeni kurrë aq të fortë dhe të suksesshëm në mënyrë të pavarur sa jeni së bashku.
Ju i bëni ata një person më të mirë
Të gjitha marrëdhëniet supozohet se ju bëjnë të rriteni në një nivel personal. Partneri ju ndihmon të bëheni versioni më i mirë i vetes. Fakti i thjeshtë që ju besoni dhe jeni mbështetës i gjysmës suaj tjetër e frymëzon atë me një vendosmëri dhe fuqi të pabesueshme për të bërë më shumë dhe për të bërë më mirë. Ai nuk dëshiron t’ju zhgënjejë dhe kjo është arsyeja pse bën përpjekje.
Ata kanë nevojë për vlerësimin tuaj
Mendimi për partnerin dhe marrëdhënien tuaj ka më shumë rëndësi në këtë botë. Vlerësimi i një personi për çdo gjë të vogël që ata bëjnë për ju do t’i mbajë ata të motivuar dhe u jep forcë për të bërë më mirë.
Kritika është gjithmonë demoralizuese. Falënderimi është provuar shkencërisht se jep rezultate më të mira.
Ata besojnë tek ti
Ju jeni personi i parë tek i cili partneri drejtohet për ndihmë, sepse niveli i besimit tek ju është i madh. Besoni në gjykimin tuaj, besoni në mbështetjen tuaj, në besnikërinë tuaj dhe besoni në ndjenjat tuaja të dashurisë.
Dashuria e jetës suaj beson se ju jeni ai person i jashtëzakonshëm që mund të ndryshojë jetën për më mirë dhe kjo është arsyeja pse ai ju do dhe ju qëndron pranë.
Ju ua shkëlqeni jetën
Ju ua mbushni zemrën, i bëni të ndihen të plotë dhe i ndihmoni të bëhen një person më i mirë. Po, ju ua shkëlqeni jetën çdo ditë thjesht me praninë tuaj, fjalët e ëmbla dhe buzëqeshjet e ngrohta.
