Mbrëmjen e së dielës, familjarët e izraelitëve që u morën peng nga militantët e Hamasit, kanë bërë apel për ndihmë.
“Dy vajzat e mia të vogla, ato janë vetëm bebe. Ata nuk janë as pesë vjeç dhe tre vjeç,” tha Yoni Asher, i cili tregoi se kishte parë videon e personave të armatosur që merrnin peng gruan dhe dy vajzat e tij të vogla.
Ndërsa një tjetër, Uri David, tha për mediat se po fliste në telefon me dy vajzat e tij, Tair dhe Odaya, kur linja u shkëput.
“Dëgjova të shtënat, të bërtiturat në arabisht, u thashë të shtriheshin në tokë dhe të kapeshin për dore,” tha David, duke shtuar se tani nuk ka dijeni për fatin e tyre.about:blank
“Unë kërkoj që e gjithë bota të shohë se çfarë po kaloj. Ne duhet t’i sjellim fëmijët në shtëpi – dhe sa më shpejt që të jetë e mundur“, tha ai.
Rreth 100 izraelitë, ushtarakë dhe civilë, besohet se janë marrë në Gaza pas sulmit të befasishëm nga grupi militant Hamas mbi komunitetet në jug të Izraelit.
