Një ngjarje tragjike raportohet të ketë ndodhur në Kos të Greqisë, ku një 20-vjeçare ka humbur jetën.
Marianna Tsiga ishte studente e Shkollës së Kapitenëve të Akademisë së Marinës Tregtare Kalymnos dhe kishte përfunduar vitin e parë të studimeve.
Ajo ishte praktikante e marinës tregtare. Më 13 gusht 2023 anija u nis nga port i Fujairah në Emiratet e Bashkuara Arabe drejt Indisë.
Më 22 gusht 2023, Marianna u sëmur. Ajo vdiq nga encefaliti infektiv, cili besohet se është shkaktuar nga pickimi i mushkonjave gjatë udhëtimit të saj në Indi.
Humb jetën tragjikisht marinsja 20-vjeçare, zbardhen dyshimet e para
Për shkak të sëmundjes, anija me të cilën udhëtonte zbarkoi në Suez të Egjiptit dhe më 2 shtator 2023 nëpërmjet Kajros u riatdhesua nga kompania së bashku me një eskortë mjekësore.
20-vjeçarja fillimisht u transferua në një klinikë private në Atikë dhe më pas në spitalin “Errikos Dunan”, ku edhe vdiq më 17 shtator 2023.
Mesha e varrimit do të mbahet sot në orën 17:00 në Kishën e Zonjës në Zipari Kos. Për ngjarjen tragjike po kryhet një hetim paraprak.
