Një tërmet i lehtë ka goditur vendin tonë pasditen e kësaj të enjte.
Sipas Institutit Evropian të Sizmiologjisë, magnituda e këtij tërmeti u regjistrua në 2.9 të shkallës Rihter. Mësohet se epiqendra e lëkundjeve e kishte origjinën në qytetin e Elbasanit dhe me një thellësi fokale prej 8 kilometrash.
Deri tani nuk ka raportime për njerëz të plagosur apo shtëpi të dëmtuara nga ky tërmet. Nga reagimet e qytetarëve në internet, në faqen evropiane të tërmeteve, ata kanë shkruar se i kanë ndjerë lëkundjet të cilat i kategorizojnë si “një lëkundje e vogël që zgjati për një sekond”.
