Një ngjarje e rëndë ka ndodhur ditën e sotme (21 Dhjetor) në rrugën “Zahir Pajaziti” në Prizren, ku një këmbësor është goditur nga një automjet. Sipas mediave këmbësori ka marrë lëndime të rënda.
Ai është dërguar për trajtim mjekësor në Qendrën Klinike Universitare të Kosovës (QKUK).
Ndërkohë, Policia e Kosovës ka bërë të ditur se drejtuesi i automjetit është dërguar në paraburgim për 48 orë.
“Një aksident trafiku është raportuar me datë 21.12.2023 rreth orës 00:30. Aksidenti ka ndodhur në rrugën Zahir Pajaziti në Prizren. Në aksident kanë qenë të përfshirë një veturë e cila ka goditur një këmbësor. Si pasoj e ketij aksidenti lëndime te rëndë ka marrë këmbesori ku sipas mjekut kujdestar i lënduari dergohet në QKUK-Prishtinë. Lidhur me rastin ështe njoftuar Prokurori Kujdestar i cili urdhëron që ngasësi i automjetit të mbahet në ndalim për 48 orë”, thuhet në njoftimin e policisë.
