Një aksident ka ndodhur këtë të enjte në Fier në fshatin Agim. Një automjet i paidentifikuar ka përplasur një 60 vjeçar e më pas është larguar nga vendngjarja. Drejtuesi i motorit me inicialet P.B. është dëmtuar dhe është dërguar menjëherë në spital.
“Rreth orës 12:10, në fshatin Agim, Fier, një automjet ende i paidentifikuar, është përplasur me motomjetin me drejtues shtetasin P. B., 60 vjeç, banues në Libofshë, dhe është larguar. Si pasojë e përplasjes është dëmtuar drejtuesi i motomjetit i cili ndodhet në spital, në kujdesin e mjekëve. Grupi hetimor po punon për zbardhjen e rrethanave të aksidentit, identifikimin dhe kapjen e drejtuesit të automjetit”,-thuhet në njoftimin e policisë.
