Pas përjashtimit nga “Big Brother VIP 4”, G Bani ka reaguar për herë të parë, duke shprehur shqetësimin e tij për mënyrën se si është trajtuar situata. Ai pranoi se kishte goditur Gjestin, por theksoi se edhe këngëtari kishte vepruar në të njëjtën mënyrë ndaj tij.
Gjatë një loje rezistence në shtëpi, G Bani shtyu Gjestin, duke e rrëzuar nga podiumi, çka solli ndërhyrjen e menjëhershme të produksionit. Zarf i zi që mbërriti mëngjesin e sotëm theksonte qartë se dhuna e çdo lloji është e ndaluar, duke sanksionuar automatikisht përjashtimin e tij.
Përveç eliminimit të menjëhershëm, u anulua edhe televotimi për banorin e preferuar, i hapur gjatë spektaklit të së martës.
