Në errësirë totale është Unaza e Madhe e Tiranës. Mungesa e ndriçimit rrugor në të është kthyer në shqetësim për drejtuesit e automjeteve.about:blank
Për ekspertët, mungesa e ndriçimit bëhet shpesh shkak aksidentesh, në një kohë kur ende ka persona që kalojnë mes përmes rrugës.
Artur Sulçe, ekspert i sigurisë rrugore në një prononcim ka deklraruar:
“Jemi mësuar që shumë gjëra t’i shikojmë përgjysmë. Fakti që funksionon një pjesë dhe një pjesë jo, kjo lë për të dëshiruar, mund të hyjnë edhe kafshë, njerëz, motoçiklistë”
Autostrada Lezhë-Milot, e quajtur edhe rruga e “vdekjes” si pasojë e numrit të lartë të aksidenteve të ndodhura ka po ashtu të njëjtin problem.
E pandriçuar ka mbetur edhe një pjesë e autostradës Tiranë-Durrës. Një tjetër aks i përgjakur nga aksidentet është edhe ai Shkodër-Kryebushat, këtu shtyllat e ndriçimit mungojnë krejtësisht.
E njëjta pamje është edhe në aksin rrugor Lushnje – Fier. Fenomen shqetësues është edhe funksionimi i pjesshëm i ndriçimit në rrugë, pasi kjo sipas ekspertëve e shpërqendron shoferin.about:blank
Ekspertët thonë se përballë kësaj situate drejtuesit e mjeteve duhet të ulin shpejtësinë dhe të shtojnë kujdesin në rrugët pa ndriçim.
