Avokati Kujtim Cakrani ka komentuar refuzimin e kryetarit të zgjedhur në Himarë, Fredi Beleri për betim.
Ai theksoi se Beleri nuk ka ndikuar në rezultatin e zgjedhjeve ndërsa ngriti pikëpyetje se pse nuk merren në hetim personat që manipuluan zgjedhjet në Rrogozhinë që tashmë do të përsëriten.
“Doja të thosha se ndaj Belerit është bërë një marrje peng e Kushtetutës, e ligjit për pushtetin vendor dhe natyrisht ligjit procedurial penal shqiptar. Beleri nuk ka ndikuar në rezultatin e zgjedhjeve, personat të cilët kanë dëshmuar kanë thënë se nuk kanë marrë para. Zgjedhjet në Rrogozhinë dolën se ishin të manipuluara, atëherë kush i ka manipuluar zgjedhjet? Precedenti është i dyfishtë”- tha ai.
