Është arrestuar në Vlorë një 29 vjecar i shpallur në kërkim ndërkombëtar. Në pranga ka rënë Hasim Musaraj 29 vjec banues në Vlorë.
Ky shtetas pas verifikimeve rezulton se ishtë në kërkim nga drejtësia italiane pasi gjykata e Torinos e kishte dënuar me burg për veprat penale”Vrasja” dhe “Prodhim dhe mbajtje pa leje e armëve”. 29 vjecari në bashkëpunim me shtetas të tjerë shqiptarë në 2017 ka vrarë shtetasin SH.F.
Njoftimi
Vlorë/Finalizohet një tjetër operacion për kapjen e shtetasve me rrezikshmëri të lartë shoqërore të shpallur në kërkim ndërkombëtar për krime kundër personit.
Operacioni policor i koduar “Red Fox”, u zhvillua nga shërbimet operacionale dhe ato të Forcës së Posaçme “Shqiponja”, të DVP Vlorë, në bashkëpunim me Interpol Tiranën.
Lokalizohet si rezultat i inteligjencës informative, kapet dhe vihet në pranga, 29-vjeçari i kërkuar nga autoritetet e Italisë, për vrasje me armë zjarri.
Shërbimet operacionale dhe ato të Forcës së Posaçme “Shqiponja”, të DVP Vlorë, si rezultat i informacioneve të siguruara nga inteligjenca policore, mbi vendndodhjen e një shtetasi me rrezikshmëri të lartë shoqërore, të kërkuar nga Italia, kanë finalizuar operacionin policor të koduar “Red Fox”.about:blank
Në kuadër të këtij operacioni, në lagjen “Uji i ftohtë”, shërbimet e Policisë kanë konstatuar automjetin me të cilin qarkullonte shtetasi H. M. (M.). Shërbimet e Policisë kanë ndërhyrë menjëherë dhe si rezultat i veprimeve profesionale, është neutralizuar dhe vënë në pranga shtetasi H. M. (M.), 29 vjeç, banues në Vlorë.
Nga verifikimet e kryera ndërmjet Interpol Tiranës dhe Interpol Romës, rezultoi se ky shtetas ishte shpallur në kërkim ndërkombëtar, pasi Gjykata e Apelit e Torinos i ka caktuar masën e sigurisë “Arrest në burg”, për veprat penale “Vrasja” dhe “Prodhimi dhe mbajtja pa leje e armëve, armëve shpërthyese dhe municionit luftarak”, parashikuar nga Kodi Penal i Italisë.about:blank
29-vjeçari, në bashkëpunim me shtetas të tjerë shqiptarë, në tetor të vitit 2017, ka vrarë me armë zjarri, shtetasin Sh. F.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi, drejt Italisë.
