Kiara Tito u rikthye ditën e martë në shtëpinë e Big Brother VIP Albania, pas vendimit të produksionit për të rikthyer në shtëpi 4 ish-banorë. Ajo ishte një nga konkurrentet më të votuara, teksa që prej hyrjes së saj, ajo ka qenë mjaft e ftohtë me banorët e tjerë.
Mirëpo kjo gjë nuk i ka pëlqyer aspak publikut, që nuk e ka pritur mirë këtë sjellje të saj dhe ka reaguar me komente negative dhe e ka bojkotuar në rrjete sociale. E ftuar në emisionin “Shqipëria LIVE”, ditën e djeshme ishte Ema Shazivari, kushëria e Kiarës, e cila zbuloi se familja e Kiarës është e prekur nga këto mesazhe, madje gjyshja e saj Leta, është ndjerë shumë keq sa ka shkuar dhe në spital.
“Komentet negative në rrjetet sociale ndikojnë shumë tek të afërmit. Kam biseduar me familjarët e saj. Pak para se të nisja emisionin, fola dhe me gjyshen e Kiarës e cila është prekur shumë nga këto komente dhe mesazhe, saqë ka pasur dhe probleme shëndetësore dhe i është dashur të shkojë në spital nga komentet dhe sulmet e shumta në rrjetet sociale.
Përfitoj nga rasti tu bëj thirrje të gjithë komentuesve, jo vetëm për Kiarën por për të gjithë, që të bëjnë kujdes me familjarët jashtë”- tha kushërira e Kiara Titos në emisionin ‘Shqipëria Live’ në Top Channel.
