Në dosjen “Metamorfoza” një tjetër emër i një zyrtari përmendet në komunikimet me Pëllumb Gjokës dhe ish-Shefit të Operacionales, Olti Bistri.
Bëhet fjalë për Rebani Jaupin, që në atë kohë mbante postin e Drejtorit të Drejtorisë së Policisë së Tiranës dhe që në dosje, sipas SPAK-ut, del një herë me emrin “Rebo” dhe një herë me emrin “Rebani”.
Ky i fundit i shkruan: “O vlla keq puna me këto. Më thirrën lart, s’e mbajmë dot pikën aty. A t’ju qish ropt këtyre. S’e di. Më duket se është interesuar Leshi vetë, por mos fol me asnjë. Lidhje shoqërore e jotja, etj”.
Biseda mes Pëllumb Gjokës dhe Olti Bistrit vijon duke biseduar për kazinonë ku Bistri i thotë Gjokës se:
“Ka frikë Rebaniu se i paskan thënë për këtë rastin dhe është tremb”, apo “Ok fli tani apo ke puntorë brenda? Kush është klienti më i fortë? I ke marrë ndonjë Tajvanit? Ty të duhen më lek, jo ata që s’i lënë andej.
Ata që s’i lënë, janë të mbaruar. Prit një herë të mbarojë aksioni. Unë e bëra për ty këtë se s’më ngrenë ato 1500 euro që marr. Se veç për ty e lashë. Është muhabet vk. Edhe për anë morale më tepër. Se vetëm stres. Vetëm këto sa bëjnë t’i lutem Rebos aman. Ai lekët do marri dhe kot i merr. S’e di pse ka frikë.”
Në datën 20 shkurt të vitit 2020, në një bisedë mes tyre, Olti Bistri i shkruan Pëllumb Gjokës: “Tani do fillojë për pak, ik futu gjëkundi se s’i dihet, mos rri në qarkullim dhe fike telefonin. Po kot mos s’i dihet. S’e di. Akoma s’na i kanë sjellë emrat dhe vendet. Drejtori tha do e heq pikën nga lista. Jo e din Rebua vetë, s’ka nevojë”.
