Përleshje me thika mes dy të rinjve në Kavajë. Policia identifikon, kap dhe shoqëron menjëherë në Komisariat autorin e dyshuar.
Ngjarja ka ndodhur rreth orës 20:00, në lagjen nr. 3 Kavajë.
Dyshohet se gjatë një konflikti për motive të dobëta, shtetasi J. K., 34 vjeç, ka goditur me mjet prerës shtetasin L. Sh., 28 vjeç, i cili ndodhet në spital nën kujdesin e mjekëve.
Shërbimet e Policisë identifikuan, kapën dhe shoqëruan në Komisariat autorin e dyshuar.
Grupi hetimor ndodhet në vendngjarje dhe po punon për sqarimin e rrethanave të kësaj ngjarjeje.
