Atmosfera e festës së Pavarësisë, ndihet edhe në Prishtinë. Një flamur gjigand me shqiponjën dykrenare është shpalosur në sheshin e Prishtinës duke mbuluar thuajse gjysmën e hotelit të vjetër.about:blank
Moti i ftohtë e me shi e ka bërë shumë të vështirë që qytetarët të mbushin sheshet e megjithatë në Prishtinë i gjithë sheshi është i mbuluar me flamujt e me ngjyrat kuq e zi.
Gjithashtu në shesh nuk mungojnë as flamujt për Çamërinë e as ata të Shteteve të Bashkuara të Amerikës.
E ndërsa shumë qytetarë kanë lëvizur për të festuar 28 nëntorin në Shqipëri, atmosfera festive ndihet në çdo qytet të Kosovës.
