Dëbora u rikthye thuajse në të gjitha zonat malore, pasi temperature të ulta përfshinë vendin prej mbrëmjes së të shtunës.
Në juglindje, reshje të dëndura dëbore u shënuan në Dardhë dhe fshatrat e Devollit, ku trashësia e dëborës shkon deri në 10 cm.
Dëborë ka pasur dhe në aksin Shtyllë – Mashkullore ashtu siç ka pasur edhe në Voskopojë e fshatra të kësaj njësie administrative.
Drejt zonave turistike lëvizet pa vërshtirësi, pasi në orët e mëngjesit rrugët u pastruan dhe u kriposën.
Reshje bore më intensive ka pasur në lartësitë mbi 1 200 metra mbi nivelin e detit, në Njësinë Administrative Vithkuq të Bashkisë së Korçës.
Ndërsa në zonat malore u rikthyen reshjet e dëborës pjesa tjetër e vendit është nën ndikiin e reshjeve të shiut dhe temperaturave të ulta!
Në kushtet e përkeqësuara atmosferike policia rrugore u kërkoi drejtuesve të mjeteve të zbatojnë rregullat e qarkullimit rrugore për të shmangur rrezikun e aksidenteve.
