Një incident gjatë një aktiviteti festiv në Bulqizë nuk e ndaloi aspak humoristin e njohur Salsano Rrapi. Teksa ishte në mes të një skeçi, ai rrëshqiti dhe u rrëzua keq nga skena, duke përfunduar në tokë mes të pranishmëve që nuk reaguan për ta ndalur.
Ngjarja ndodhi në kulmin e interpretimit, kur Salsano bëri një lëvizje si me shaka, duke u afruar drejt skajit të skenës, sikur do të hidhej mbi publikun. Në çastin e fundit ndaloi, por humbi ekuilibrin, rrëshqiti dhe u përplas në tokë.
