Eskperti për Problematikat, Gjergj Begaj tha në emisionin “Review”, në Euronews Albania se bërja e hartave të reja është urgjente.
Sipas tij në shumicën e zonave, përfshirë këtu rrethinat e Tiranës vijojnë të punojnë me hartat e vjetra.
“Një pjesë e ka filluar digjitalizimin aty ku ka interesa, aty ku po bëhen shpronësimet te Unaza. Por kemi rrethinat e Tiranës sot që po punojnë me hartat e vjetra. Si do vijë investitori i huaj sot nëse nuk ka një hartë të saktë për pronat?”,-tha Begaj.
Ai shtoi se nëse flasim për abuzimet në Vlorë duhet të kuptojmë se ato nuk ndodhin vetëm atje, por po nd0odhin edhe në Tiranë, ai i bëri thirrje SPAK që të hetojë, ndërsa shtoi se ka marrë kërcënime me mesazhe kur ka folur për këtë çështje.
“Në Vlorë, kemi dhe abuzime, por kemi edhe unazën e madhe të Tiranës ish-drejtori i hipotekës ka firmë ndërtimi. Unë i bëj thirrje SPAK-ut që pjesa e unazës të hetohet. Unë kam shumë indicie. Unë në momentin që kam kërkuar të bëhet kjo, kam pasur një sulm të tmerrshëm nëpërmjet mesazheve”,-tha Gjergji Begaj,
