Dy vajza të mitura ndërruan jetë pas një sfide virale në Tik-Tok, kjo ka bërë që familjarët e tyre kanë paditur platformën e mediave sociale, duke pretenduar se algoritmet e saj “të rrezikshme” janë fajtorë për vdekjen e fëmijëve të tyre.
The Guardian raporton se prindërit e dy vajzave që vdiqën në një “sfidë të errësirës (Blackout Challenge)” të vitit 2021 në TikTok, e cila inkurajoi përdoruesit të mbyten deri sa të humbnin ndienjat, ngritën një padi të martën në gjykatën e lartë të qarkut të Los Anxhelosit.
Të përfaqësuar nga Qendra e Ligjit për Viktimat e Mediave Sociale (SMVLC), një burim ligjor për prindërit e fëmijëve të dëmtuar nga varësia dhe abuzimi në mediat sociale, ata pretendojnë se “algoritmi i rrezikshëm” i platformës i shtyu me qëllim dhe në mënyrë të përsëritur videot e sfidës në burimet e fëmijëve, duke i nxitur ata për të marrë pjesë në sfidën që iu mori jetën.
“TikTok duhet të mbajë përgjegjësi për nxitjen e përmbajtjes vdekjeprurëse për këto dy vajza të reja,” tha Mattheë P Bergman , avokat themelues i SMVLC. 
“TikTok ka investuar miliarda dollarë për të dizajnuar qëllimisht produkte që nxisin përmbajtje të rrezikshme që ai e di semund të rezultojë në vdekjen e përdoruesve të tij”- shton ai.
Tetë vjeçarja Lalani Erika Renee Ëalton nga Temple, njëra nga viktimat, përshkruhet si “një vajzë e re jashtëzakonisht e ëmbël dhe e këndshme” që “i pëlqente të vishej si princeshë dhe të merrej me makeup”. Ajo vdiq më 15 korrik të vitit 2021. Vdekja e saj u cilësua nga policia asokohe si “një rezultat i drejtpërdrejtë i përpjekjes për ‘Blackout Challenge’ të TikTok”, sipas ankesës.
“TikTok i dha përparësi fitimeve më të mëdha të korporatave mbi shëndetin dhe sigurinë e përdoruesve të tij dhe, veçanërisht, mbi shëndetin dhe sigurinë e fëmijëve të cenueshëm që TikTok e dinte ose duhet të dinte se po përdorte në mënyrë aktive produktin e tij të mediave sociale,” thanë ata.
Familjet Walton dhe Arroyo po kërkojnë një shumë të papërcaktuar në dëmshpërblim dhe kanë kërkuar që gjyqi të zhvillohet në Kaliforni.
LIFE STYLE
Jeto I Lumtur.al
