Pesë persona u plagosen në një aksident të shumëfishtë në autostradën që lidh Athinën me Korinthin në Greqi.
Sipas policisë lokale aksidenti ndodhi për shkak të një parakalimi të gabuar të një autoveture e cila fillimisht goditi një tjetër makinë dhe në vazhdim mbi të ranë edhe 11 mjete të tjera, mes tyre edhe një autobot transporti plot me gaz natyral.
Edhe pse goditja ishte e fuqishme, nuk pati rrjedhje gazi duke shmangur një tragjedi.
Në vendngjarje kanë mbërritur ambulancat të cilat dërguan në spital të plagosurit.
