Në pamjet e postuara, ai shihet në praninë e një vajze të panjohur për publikun shqiptar, me të cilën duket se ka një afërsi të veçantë.
Në video, vajza – e cila nuk duket të jetë shqiptare – shfaqet pas reperit, duke i dhënë një puthje.
Gesti i saj është i përzemërt dhe shoqërohet me një atmosferë intime, që ka bërë ndjekësit të nisin menjëherë aludimet: a bëhet fjalë për një romancë të re në jetën e Stresit?.
Pavarësisht interesit të madh që ka shkaktuar videoja, Stresi nuk ka dhënë asnjë koment apo shpjegim lidhur me identitetin e vajzës dhe marrëdhënien e tyre.
Kjo heshtje ka shtuar edhe më shumë kuriozitetin dhe ka ushqyer spekulimet në rrjet, ku fansat dhe portale të ndryshme kanë nisur të kërkojnë më shumë informacion mbi vajzën misterioze që i ka “vjedhur” një moment afërsie reperit.
Nuk dihet nëse bëhet fjalë për një lidhje të sapolindur, një miqësi të ngushtë apo thjesht një moment i kapur në kuadër të një videoje spontane, por fakti që Stresi zgjodhi ta publikojë vetë këtë moment e bën akoma më intriguese situatën.
Kujtojmë që Stresi është një nga figurat më të ndjekura të muzikës dhe shoubiz-it shqiptar dhe çdo veprim i tij komentohet gjerësisht nga publiku dhe mediat rozë.
